រាយការណ៍អំពីឧក្រិដ្ឋកម្ម ឬព្រឹត្តិការណ៍មិនបន្ទាន់ 24ម៉ោងក្នុងមួយថ្ងៃ ប្រាំពីរថ្ងៃក្នុងមួយសប្តាហ៍ តាមរយៈបណ្តាញទូរសព្ទជំនួយប៉ូលីសរបស់យើង។
ការរាយការណ៍បន្ទាន់
ប្រសិនបើអ្នកស្ថិតក្នុងសភាពគ្រោះថ្នាក់ ចាំបាច់ត្រូវរាយការណ៍អំពីឧក្រិដ្ឋកម្មដែលកំពុងដំណើរការ ឬសម្រាប់ការចូលរួមរបស់ប៉ូលីសជាបន្ទាន់ សូមហៅទូរសព្ទលេខ សូន្យបីដង (000) ជានិច្ច។
ប្រសិនបើអ្នកមិនចេះនិយាយភាសាអង់គ្លេសទេ អ្នកអាច ហៅទូរសព្ទលេខសូន្យបីដង (000) ហើយសួររក 'ប៉ូលីស', 'អគ្គិភ័យ' ឬ 'រថយន្តសង្គ្រោះ'។ នៅពេលត្រូវបានតភ្ជាប់ហើយ សូមបន្តរង់ចាំនៅតាមទូរសព្ទដើម្បីស្នើសុំអ្នកបកប្រែផ្ទាល់មាត់។
រាយការណ៍អំពីឧក្រិដ្ឋកម្ម និងព្រឹត្តិការណ៍មិនបន្ទាន់ជាភាសារបស់អ្នក
សម្រាប់ជំនួយមិនបន្ទាន់ជាភាសារបស់អ្នក សូមហៅ TIS Nationalតាមទូរសព្ទលេខ 131 450ហើយស្នើសុំ បណ្តាញទូរសព្ទជំនួយប៉ូលីសវិចថូរៀ។
ប្រសិនបើអ្នកមិនតម្រូវការគាំទ្រជាភាសារបស់អ្នកទេ សូមទូរសព្ទទៅបណ្តាញទូរសព្ទជំនួយប៉ូលីសដោយផ្ទាល់ តាមលេខ 131 444។ ការហៅទូរសព្ទរបស់អ្នកនឹងត្រូវបានឆ្លើយតបជាភាសាអង់គ្លេស។
ក្នុងអំឡុងពេលហៅទូរសព្ទរបស់អ្នក
ការហៅទូរសព្ទទាំងអស់ទៅកាន់បណ្តាញទូរសព្ទជំនួយប៉ូលីស ត្រូវបានកត់ត្រា និងរក្សាទុកដោយប៉ូលីសវិចថូរៀ។
នេះគឺសម្រាប់ទាំងការបណ្តុះបណ្តាល ហើយប្រសិនបើតម្រូវ សម្រាប់គោលបំណងកិច្ចការប៉ូលីសនានា។
បន្ទាប់ពីរបាយការណ៍របស់អ្នកត្រូវបានដំណើរការ
បន្ទាប់ពីយើងដំណើរការរបាយការណ៍របស់អ្នកហើយ អ្នកនឹងទទួលបានការជូនដំណឹងមួយ។ វានឹងរួមបញ្ចូលព័ត៌មានគាំទ្រ និងលេខយោងប៉ូលីស។
យើងនឹងផ្ញើវាតាមអ៊ីមែល ឬតាមប្រៃសណីយ៍។
អ្វីដែលអ្នកអាចរាយការណ៍បាន
ឧទាហរណ៍នានាអំពីឧក្រិដ្ឋកម្ម និងព្រឹត្តិការណ៍មិនបន្ទាន់ រួមមាន៖
ចោរកម្ម
រាយការណ៍អំពីកង់ ទ្រព្យសម្បត្តិ ឬវត្ថុផ្សេងៗទៀតរបស់អ្នកដែលត្រូវបានគេលួចពីឡានរបស់អ្នក។
បាត់បង់ទ្រព្យសម្បត្តិ
រាយការណ៍ពីការបាត់បង់ទ្រព្យសម្បត្តិផ្ទាល់ខ្លួនក្នុងរដ្ឋវិចថូរៀ។ អ្នកអាចរាយការណ៍ពីវត្ថុដែលមានតម្លៃខ្ពស់ ឬមនោសញ្ចេតនា និងលក្ខណៈពិសេសដែលអាចកំណត់អត្តសញ្ញាណបាន។
ទ្រព្យសម្បត្តិខូចខាត
រាយការណ៍ពីការខូចខាតទ្រព្យសម្បត្តិរបស់អ្នក រួមទាំងការគូសវាសតាមទីសាធារណៈ។
អវត្តមានពីលំនៅដ្ឋាន
សូមឱ្យប៉ូលីសដឹងប្រសិនបើអ្នកនឹងទៅកាន់ទីឆ្ងាយ ដើម្បីជួយរក្សាទ្រព្យសម្បត្តិរបស់អ្នកឱ្យមានសុវត្ថិភាព។
សំណួរទូទៅ
សួរសំណួរទូទៅអំពីប៉ូលីស ឬសុវត្ថិភាព។
នេះរួមបញ្ចូលទាំងសំណួរនានាអំពី៖
• ការផាកពិន័យ និងការរំលោភបំពានច្បាប់
• ឧប្បត្តិហេតុនៅលើដងផ្លូវ
• ស្នាមម្រាមដៃ
• សេចក្តីប្រកាសជាផ្លូវការ។
អ្វីដែលអ្នកមិនអាចរាយការណ៍បាន
បណ្តាញទូរសព្ទជំនួយប៉ូលីសមិនអាចជួយក្នុងបញ្ហាបន្ទាន់ ឬគ្រោះអាសន្នបានទេ រួមមាន៖
• អំពើហិង្សាក្នុងគ្រួសារ
• ការបំពារបំពាន
• ឧក្រិដ្ឋកម្មដែលកំពុងកើតឡើងនៅពេលរាយការណ៍។
ការរាយការណ៍តាមអនឡាញ
អ្នកក៏អាចរាយការណ៍អំពីឧក្រិដ្ឋកម្ម ឬព្រឹត្តិការណ៍មិនបន្ទាន់មួយចំនួនតាមរយៈសេវាកម្មរាយការណ៍តាមអនឡាញរបស់យើងផងដែរ។
នៅដំណាក់កាលនេះ របាយការណ៍អនឡាញអាចត្រូវបានធ្វើឡើងជាភាសាអង់គ្លេសប៉ុណ្ណោះ។
រាយការណ៍ទៅ Crime Stoppers
អ្នកអាចធ្វើរបាយការណ៍អនាមិកទៅកាន់ Crime Stoppersប្រសិនបើអ្នកមានព័ត៌មានដែលអាចជួយប៉ូលីសដោះស្រាយឧក្រិដ្ឋកម្មកន្លងមក។
សម្រាប់ព័ត៌មានអំពីរបៀបរាយការណ៍តាមអនឡាញទៅ Crime Stoppers ជាភាសាផ្សេងៗគ្នា សូមចូលទៅកាន់គេហទំព័រ Crime Stoppers។
ការគាំទ្រការបកប្រែភាសានៅស្ថានីយ៍ប៉ូលីសក្នុងមូលដ្ឋានរបស់អ្នក
ស្ថានីយ៍ប៉ូលីសក្នុងមូលដ្ឋានរបស់អ្នក អាចផ្តល់ការគាំទ្រតាមរយៈការចូលប្រើប្រាស់ទូរសព្ទទៅកាន់សេវាកម្មបកប្រែភាសា ប្រសិនបើអ្នកត្រូវការជំនួយដើម្បី៖
- រាយការណ៍អំពីឧក្រិដ្ឋកម្ម
- ស្វែងរកបច្ចុប្បន្នភាពស្ថានភាព (ឧទាហរណ៍ តាមដានឧប្បត្តិហេតុដែលអ្នកបានរាយការណ៍)
- ដោះស្រាយបញ្ហាដែលទាក់ទងនឹងអំពើហិង្សាក្នុងគ្រួសារ។
Updated